სტუმარმასპინძლობა

სასტუმრო ბოდბე ქართული ავთენტური ხასიათის და თანამედროვე კომფორტის სინთეზია. სიღნაღის ისტორიული ხედები და სასტუმროს მშვიდი ესთეტიკა ქმნის უნიკალურ სივრცეს, სადაც კომფორტი და კულტურული გამოცდილება სრულად ერწყმის ერთმანეთს. კახეთის ღვინის ცნობილ მარნებთან და ისტორიულ ღირსშესანიშნაობებთან ახლოს, ბოდბე იდეალური ადგილია დასვენებისთვის.

ადგილობრივი ტრადიციების თანამედროვე მიდგომებთან შერწყმით, ბოდბე შეესაბამება მსოფლიო სტუმარმასპინძლობის ტენდენციებს და უზრუნველყოფს კომფორტულ და უნიკალურ დასვენებას, რომელიც საქართველოს მემკვიდრეობის აღმოჩენის შთაბეჭდილებას კიდევ უფრო აძლიერებს.

ბუტიკ სასტუმრო ბაზზარ ძველი თბილისის ერთ-ერთ გამორჩეულ უბანში მდებარეობს. სასტუმროს ეკლექტიკური არქიტექტურა და დიზაინი იდეალურად არის მორგებული ქალაქის ისტორიულ კონტექსტსა და მის ურბანულ ყოველდღიურობას.

ინოვაციური დიზაინის ოთახები ვინტაჟური ელემენტებით, დახვეწილი რესტორანი თეკუნა გაჩეჩილაძის მიერ საგულდაგულოდ შერჩეული კერძებითა და სტუმრებზე მორგებული, უმაღლესი ხარისხის მომსახურება სწორედ ის მთავარი ნიშნულია, საიდანაც სტუმრების კმაყოფილება იწყება.

მეღვინეობა შილდა ღვინის მოყვარულებს ქართული ღვინისა და ტრადიციული კერძების დაგემოვნებას რესტორან „შილდაში“ სთავაზობს. გასაოცარი პანორამული ხედები კავკასიონის ქედზე, აუთენტური გარემო, კახური სტუმართმოყვარეობა, უნიკალური ღვინოები ანსამბლი „შილდას“ მიერ შესრულებული პოლიფონიური სიმღერების ფონზე ნებისმიერი სტუმრისთვის დაუვიწყარი გამოცდილებაა.

რესტორანი ხელმისაწვდომია ქორწილების, დაბადების დღეებისა და სხვა სახის შეკვეთების დროს.